Sot zhvillohet derbi i xhiros së 25-të në elitën e basketbollit kosovar.
Golden Eagle Ylli e pret Trepçën në ”13 Qershori” të Therandës.
Këto dy skuadra ishin ndeshur në çerekfinale të Kupës, ku mitrovicasit eliminuan therandasit. Derisa në duelet direkte në Superligë, mitrovicasit poashtu kanë 3 fitore nga po aq përballje ndaj vendasve të sotëm.
Aktualisht në tabelë Ylli është në vendin e katërt me 11 fitore e 13 humbje dhe po synon vendin e tretë deri në fund, kurse kampionët janë liderë me 21 fitore e tri humbje dhe kanë siguruar vendin e parë për garat e rregullta.
Ndeshja nis nga ora 17:00 dhe transmetohet direkt në Artmotion.
