SOT LUHET KOMPLET XHIRO E TRETË E SUPERLIGËS

Prishtinë(AsistiOnline) – Ditën e sotme luhet xhiro’ja e tretë në Superligën e Kosovës në Basketboll.

Për këtë xhiro, të gjitha ndeshjet e parapara do të luhen sot, në termine të ndryshme njëra pas tjetrës.

Kjo xhiro sjell edhe super derbin mes Pejës dhe Sigal Prishtinës. “El Klasiko” e basketbollit rikthehet pas një viti mungesë, derisa atmosfera në ‘Karagaçi’ pritet të jetë fantastike, me tifozët pejanë që gjithmonë e kanë përkrahur skuadrën e tyre dhe do të dëshmojnë se sa u ka munguar klubi në Superligë.

Prishtina edicionin e kaluar fitoi titullin, Kupën e Superkupën, derisa në xhiron e parë pësoi nga Rahoveci, kurse në mesjavë mundi Ponte Prizrenin.

Kjo e fundit do të ndeshet me Feronikelin, kurse ndeshje interesante shihet ajo mes Golden Eagle Yllit dhe Trepçës. Ndeshja e fundit për këtë xhiro është mes Rahovecit dhe Lipjanit. Bashkimi në këtë xhiro pushon.

E shtunë

15:00 Ponte Prizreni – Feronikeli

17:00 Golden Eagle Ylli-Trepça

19:00 Peja – Sigal Prishtina

21:00 Rahoveci – Lipjani

Bashkimi pushon

(Të gjitha ndeshjet transmetohen në Art Motion)