NGA SUPERLIGA E FEMRAVE: BASHKIMI MBETET ME BILANC 100%

Pas vikendit që lamë pas, ka përfunduar edhe xhiro e gjashtë e Superligës së Basketbollit Kosovar për femra.

Mabetex Prishtina ka arritur fitoren e pestë radhazi, duke mundur Vëllaznimin me rezultat 94:61 (26:20, 28:16, 25:9, 15:16).

Marigona Rushiti shënoi 27 pikë për Prishtinën, kurse te skuadra kuqezi u dallua Rina Hoda me 31 sosh.

Bashkimi mbetet skuadra e vetme me 100 % fitore. Skuadra prizrenase ka mundur në udhëtim Trepçën me rezultat 32:87 (4:31, 13:14, 8:20, 7:22).

Sihana Ramabaja shënoi 14 pikë për skuadrën vendase, derisa te skuadra mysafire Vlera Vraniqi shënoi 18 dhe Jeta Zeka 16.

Bashkimi ka gjashtë fitore, derisa Trepça ka dy fitore dhe katër humbje.

Në ndeshjen e fundit për këtë xhiro dhe njëkohësisht më dramatikja, Penza ka mundur Kastriotin 70:65 (19:26, 20:13, 15:13, 16:13).

Valbona Bytyqi kishte 29 pikë dhe 16 kërcime për Penzën, kurse Agnesa Rrahmani 33 pikë për Kastriotin.

Tash Penza ka katër fitore dhe dy humbje, kurse Kastrioti një fitore dhe pesë humbje.