Home Blog
Rytas rikthehet nga -18 pikë në çerekun e fundit dhe fiton Ligën e Kampionëve
Skuadra e madhe lituaneze Rytas e ka konfirmuar sonte madhështinë e saj, duke bërë një rikthim të çmendur madje në finale.
Rytas e ka fituar Ligën e Kampionëve në basketboll, duke triumfuar ndaj AEK-ut të Athinës pas vazhdimeve 86-92, pasi koha e rregullt u mbyll baraz 80-80.
Ishte kjo një finale e vërtetë me athinasit e Greqisë që kishin avantazhin në shumicën e kohës, por lituanezët si profesionistë të vërtetë s’u dorëzuan për asnjë sekondë dhe siguruan fitoren e trofeun e çmuar të FIBA-s pas një rikthimi të çmendur, kjo pasi kishin mbyllur çerekun e tretë në minus prej 18 pikësh.
Rikthimi i bujshëm erdhi në periodën e fundit, ku e fituan me plot 18 pikë dallim 17-35 dhe dërguan sfidën në vazhdime dhe ia dolën ta fitojnë krejtësisht takimin.
23 vjeçari Simonas Lukosius doli sonte në skenë te Rytas dhe realizoi 23 pikë, derisa Jerrick Harding me 16 pikë e Speedy Smith me 11 tjera, ishin poashtu vendimtarë në fitoren e madhe të lituanezëve.
James Nunanlly me 23 pikë e Frank Bartley me 20 sosh, s’mjaftuan për fitoren e AEK-ut.
Rytas fiton trofeun e parë të Ligës së Kampionëve dhe bëhet ekipi i vetëm lituanez që e fiton atë, derisa AEK-u e ka fituar atë në vitin 2017. /AsistiOnline.com/
Pesë lojtarët me saktësinë më të lartë për treshe te Bashkimi
Te Bashkimi nuk ka befasi sa i përket liderit për saktësi nga vija e tresheve, pasi ai është amerikani Shanon Shorter.
Shorter krahas pikëve të shumta, po dëshmohet edhe si një prej gjuajtësve më të rrezikshëm të ekipit, por edhe komplet Superligës me 45.4% saktësi për tre pikë.
Pas tij renditet basketbollisti vendor Lejson Zeqiri, i cili po kalon një sezon shumë të mirë dhe ka 39.3% saktësi nga distanca.
Shumë afër tij qëndron edhe Ike Nwamu me 39.2% saktësi për treshe, duke qenë një tjetër armë e rëndësishme ofenzive për ekipin prizrenas.
Në listën e më të saktëve te Bashkimi figuron edhe Jalen Riley me 37.5% saktësi nga vija e tri pikëve, derisa top-5shen e kompleton organizatori Kyan Anderson me 35.3% saktësi.
Këto statistika tregojnë qartë se Bashkimi posedon disa basketbollistë të rrezikshëm nga distanca para nisjes së serisë finale ndaj Trepçës. /AsistiOnline.com/
Këta janë lojtarët më të saktë për treshe te Trepça, nuk do ta besoni liderin!
Kur jemi te statistikat para finales së madhe të basketbollit kosovar mes Trepçës dhe Bashkimit, ndalemi te një statistikë interesante.
Te mitrovicasit pak kush do e kishte besuar se qendra vendore Dardan Kapiti është lojtari me përqindjen më të lartë të saktësisë nga gjuatjet për tre pikë. Kapiti ka 52.9% saktësi nga kjo pozitë edhe pse ka gjuajtur pak, megjithatë saktësia e tij duhet të respektohet maksimalisht. Në duelet gjysmëfinale me Pejën, në njërën prej tyre realizoi më larg se nga gjysma e fushës.
Lojtari i dytë me saktësi te Trepça është Sek Henry me 44.0%, derisa pas tij renditen Jacori Payne me 43.3% saktësi, pastaj Drilon Hajrizi me 42.4% saktësi dhe top 5shen e mbyll Mikaile Tmushiq me 42.1% saktësi nga vija e tresheve.
/AsistiOnline.com/
Trepça përgatit dhuratë speciale për çdo tifoz në finalen e nesërme
Atmosferë e jashtëzakonshme pritet të mbretërojë të dielën mbrëma në palestrën Minatori, aty ku KB Trepça do ta nis finalen e madhe ndaj Bashkimit me një falënderim special për tifozët e saj besnikë.
Klubi mitrovicas ka bërë të ditur se për secilin tifoz që do të jetë i pranishëm në tribunat e “Minatorit”, është përgatitur një dhuratë simbolike – bluza me mbishkrimin “WINATORI”, e cila do të vendoset në secilën ulëse të palestrës.
Nga kampi “Xehetar” është bërë thirrje që secili shikues të marrë vetëm dhuratën e dedikuar për ulësen e tij, në mënyrë që të gjithë tifozët të bëhen pjesë e atmosferës së veçantë që synohet të krijohet në finalen e shumëpritur.
“WINATORI” pritet t’i japë edhe më shumë ngjyra tribunave të palestrës së zjarrtë mitrovicase, derisa tifozët e Trepçës njihen tashmë për mbështetjen e madhe që i japin skuadrës në ndeshjet vendimtare.
Trepça synon që para tifozëve të saj ta nisë finalen me fitore dhe në fund të sezonit të ngrejë edhe një tjetër trofe në basketbollin kosovar. /AsistiOnline.com/
Top 5 shënuesit e Bashkimit deri tani
Skuadra e Bashkimit do ta nis këtë seri finale ndaj Trepçës me synimin për ta rikthyer titullin në Prizren pas një kohe të gjatë.
Pasi portokallezinjtë zhvilluan një edicion mjaft të mirë dhe siguruan finalen pas paraqitjeve stabile gjatë gjithë kampionatit, një ditë para startit të finales, AsistiOnline.com ju sjell liderët me pikë të shënuara tek ekipi prizrenas:
Në krye të listës qëndron amerikani Shanon Shorter, i cili ka qenë larg më i miri te Bashkimi këtë edicion me mesatare prej 18.4 pikëve në 20 ndeshje të zhvilluara.
Pas tij renditet Jalen Riley me 16 pikë për ndeshje në 12 paraqitje, duke dhënë kontribut të madh sidomos në fazën vendimtare të kampionatit.
Më pas vjen Kyan Anderson, i cili në 22 ndeshje ka mesatare prej 13.2 pikëve për takim.
Ndërkohë, basketbollisti vendor Lejson Zeqiri ka zhvilluar sezon shumë të mirë me 12.5 pikë mesatare në 31 ndeshje.
Top-5shen e shënuesve te Bashkimi e kompleton Ike Nwamu me 10.8 pikë për ndeshje në 16 takime të luajtura. /AsistiOnline.com/
Një ditë para finales, këta janë liderët e statistikave te Trepça
Tashmë jemi vetëm një ditë para finales së madhe në elitën e basketbollit kosovar.
Skuadra e Trepçës do e nis këtë seri me avantazhin e terrenit vendas, për faktin se mbylli stinorin e rregullt si lidere me bilanc super-pozitiv prej 25 fitoreve e vetëm 3 humbje.
Një ditë para startit të kësaj finale, AsistiOnline.com ju sjell liderët me pikë të shënuara tek ekipi mitrovicas:
Në 17 ndeshje të zhvilluara, momentalisht me shënime te Trepça prin amerikani Akili Vinning i cili që nga ardhja e tij, ka shkëlqyer me 13.9 pikë.
Pas Vinning, ylli vendor i ekipit Drilon Hajrizi ka 13.4 pikë në 28 ndeshje.
Pak më ulët mesataren e ka Jacori Payne me 13.3 pikë poashtu në 28 ndeshje.
Njeriu me përvojën më të madhe në ekip: Kenny Hasbrouck ka 12.6 pikë në 22 ndeshje.
Ndërsa top-5shen e shënuesve te Trepça e mbyll Sek Henry me 10.6 pikë në 20 ndeshje.
/AsistiOnline.com/
1 ditë nga ndeshja e madhe e startit të finales së basketbollit kosovar
Ka mbetur vetëm edhe një ditë nga starti i finales së madhe të basketbollit kosovar.
Trepça dhe Bashkimi, do të nisin ‘luftën’ e madhe për të synuar titullin e kampionit të Kosovës, trofe ky më i vlefshmi në basketbollin tonë.
Trepça e mbylli stinorin e rregullt si lidere dhe play off-in nga faza gjysmëfinale, duke mposhtur aty Pejën 3-1.
Derisa, Bashkimi që e mbylli stinorin e rregullt në pozitën e dytë,
Trepça është edhe kampione aktuale, madje sezonin e kaluar titullin e kishte fituar pikërisht duke mposhtur Bashkimin që është nënkampion.
Seria e sezonit të kaluar ishte mbyllur 3-1.
Ndeshja e nesërme finale luhet në palestrën e zjarrtë ”Minatori” dhe nis nga ora 19:30.
AsistiOnline.com do ta përcjellë nga vendi i ngjarjes këtë super-përballje dhe do t’ju sjellë rezultatin, atmosferën dhe gjithçka që ndodh kohë pas kohe në Mitrovicë.
/AsistiOnline.com/
AEK-u i Athinës kompleton finalen e Ligës së Kampionëve
AEK-u i Athinës është finalisti i dytë i Ligës së Kampionëve.
Skuadra greke ka triumfuar ndaj Unicajës spanjolle me rezultat final 65-78.
Frank Bartley me 16 pikë, si dhe Lukas Lekavicius e James Nunanlly me nga 14 secili, ishin kontribuesit kryesorë te athinasit sonte në këtë fitore me vlerë finale.
Te Unicaja Kendrick Perry kishte 12 pikë.
AEK-u në finale luan ndaj Rytas Vilnius, ekipit të famshëm lituanez.
Unicaja ka qenë kampione aktuale dhe do të luajë për vendin e tretë ndaj Tenerifes poashtu spanjolle. /AsistiOnline.com/
Real Madridi për herë të 30-të në Final Four të Euroligës
Real Madridi është skuadra e dytë që siguron Final Four-in e Euroligës.
Skuadra e madhe spanjolle dhe më e trofeshme evropiane triumfoi sonte në duelin e katërt ndaj Hapoel Tel Avivit me rezultat 81-87.
Usman Garuba me 16 pikë e Mario Hezonja me 14 tjera, u përkujdesën për fitoren e Realit me vlerë kualifikimi sonte.
Derisa te Hapoel Tel Aviv s’mjaftoi performanca e lartë e Dan Oturu që kishte plot 29 pikë.
Hapoel Tel Avivi mbyll një sezon historik në Euroligë, pasi për herë të parë luajti në garën më të madhe të basketbollit në Evropë dhe arriti deri në çerekfinale.
Real Madridi do të kërkojë trofeun e 12-të të Euroligës në histori të klubit. /AsistiOnline.com/
Rytas Vilnius befason Evropën, shkatërron Lenovo Tenerife dhe siguron finalen e Ligës së Kampionëve
Një nga surprizat më të mëdha të këtij sezoni në basketbollin evropian u regjistrua sonte në Final Four-in e Ligës se Kampionëve, ku Rytas Vilnius eliminoi bindshëm favoritin spanjoll Lenovo Tenerife me rezultat të thellë 87-69.
Skuadra tradicionale nga Lituania, ndonëse konsiderohej autsajdere në letër, zhvilloi një paraqitje fantastike në Badalona, duke dominuar ndaj ekipit spanjoll që kishte përvojë dhe rotacion më të thellë.
Interesant mbetet fakti se Rytas arriti këtë sukses me vetëm katër lojtarë të huaj në përbërje, përballë shtatë të tillëve te Tenerife, duke treguar forcën e organizimit dhe karakterit ekipor.
Ylli i mbrëmjes ishte Jerrick Harding me 29 pikë, duke qenë i pandalshëm në sulm, derisa kontribut të rëndësishëm dha edhe Gytis Masiulis me 12 pikë.
Në anën tjetër, për Tenerife nuk mjaftoi as paraqitja e veteranit 42-vjeçar Marcelinho Huertas që realizoi 21 pikë, ndërsa Fran Guerra shtoi 13 të tjera.
Me këtë triumf të madh, Rytas siguron finalen e garës më prestigjioze për klube të organizuar nga FIBA, ndërsa Tenerife përfundon rrugëtimin në gjysmëfinale.
Vlen të theksohet se Final Four-i i sivjetmë po organizohet në Badalona, qyteti i klubit të njohur Joventut Badalona, ndërsa në finale Rytas do të përballet me fituesin e duelit mes Unicaja, kampionit aktual të garës, dhe AEK Athens./AsistiOnline.com/
