RAHOVECI LIDER, SË PAKU DERI NESËR

Prishtinë(AsistiOnline) – Skuadra e Rahovecit e ka arritur fitoren e tretë me radhë në stinorin pranveror të elitës së basketbollit kosovar.

”Vreshtarët” kanë arritur fitore të merituar, ndaj Lipjanit në “Mizahir Isma” me rezultatin 97-76.

Pjesa e parë e ndeshjes ishte e baraspeshuar, me Rahovecin që mbylli çerekun e parë 22-12, ndërsa Lipjani e fitoi të dytin 22-26. Ndërsa, dallimi kryesor i ndeshjes u bë në pjesën e dytë, kur Rahoveci fitoi të dyja periodat vendimtare(29-18, 24-20) të cilat ia sollën edhe fitoren.

Pikë dyshifrore në fitoren e Rahovecit sonte arritën, Darrell Davis(24), Joshua McFolley(23), Alban Veseli(15), Altin Morina(10) transferi i ri Aron Nwankwo realizoi 10 pikë.

Tek Lipjani s’mjaftuan për fitore, Tamas Bruce me double-double, 32 pikë e 10 kërcime, Warren Winson me 14 pikë, si dhe Vitia e Boutte me nga 10 pikë.

Ishte kjo fitorja e 14 e Rahovecit sivjet, karshi 5 disfatave. Ndërsa, Lipjani pësoi disfatën e 18, karshi 1 fitoreje.