SUPER-DERBI I XHIROS, LUHET SONTE NË THERANDË

Prishtinë(AsistiOnline) – Super-derbi i xhiros së shtatë në Superligën e Kosovës, zhvillohet sonte në ”12 Qershori” të Therandës.

Skuadrat që viteve të fundit e kanë ndezur në maksimum rivalitetin mes tyre, janë Ylli dhe Rahoveci. Aktualisht të dyja skuadrat kanë nga katër fitore dhe dy humbje, si dhe rivaliteti mes tyre bën që përballja të jetë shumë interesante edhe këtë herë.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat, zyrtarët e ndeshjes dhe përfaqësuesit e FBK-së, si pasojë e masave anti-covid-19.

Ndeshja do të transmetohet në platformën ArtMotion, kurse rezultatin LIVE pas çdo çereku, por edhe raportin final të ndeshjes, mund ta gjeni në portalin ekskluziv-basketbollistik, AsistiOnline.com

Prince Caffe Superliga – Java 7

E diel

17:00 Golden Eagle Ylli – Rahoveci

/AsistiOnline.com/