E TRETA E VËRTETË, NDEZI!

Prishtinë(AsistiOnline) – KB Golden Eagle Ylli dje u shpall kampion i Ligës Unike të basketbollit mes Kosovës dhe Shqipërisë.

Në fakt, therandasit me triumfin e djeshëm në këtë garë, shkruajtën historinë e klubit por edhe atë shqiptare, për dy arsyje.

E para, sepse fituan trofeun e parë zyrtar në historinë 46 vjeçare të klubit të Yllit dhe e dyta, sepse fituan trofeun e parë në histori të Ligës Unike e cila u themelua vitin e kaluar dhe u jetësua sivjet.

Në fakt kjo ishte finalja e tretë rresht për Yllin, që po tentonte fitimin e një trofeu dhe shkrimin e historisë dhe më në fund e gjeti ‘formulën’.

Vitin e kaluar, therandasit u patën mposhtur në finale të Kupës së Kosovës, pikërisht nga Peja dhe trajneri që sot e drejton Yllin. Ndërsa, sivjet Ylli u mposht poashtu në finale të Kupës së Kosovës nga Prishtina.

Por në herën e tretë dhe me në krye, Adis Beqiragicin, nuk gabuan dhe arritën trofeun e shumëpritur i cili ësht i pari në historinë e klubit.

/AsistiOnline.com/