DERBI I 04-SHAVE, SFIDA E DYTË E ”PLAY OFF”-IT

Prishtinë(AsistiOnline) – Tejet interesante në ”play off” pritet të jetë edhe sfida në mes të skuadrave që vijnë nga rajoni i Prizrenit i njohur si ”04”.

Bëhet fjalë për duelin në mes Golden Eagle Yllit dhe Bashkimit që luhet sonte në ”13 Qershori” të Therandës nga ora 20:00.

Therandasit hyjnë në këtë seri të motivuar pasi fituan Ligën Unike, ndërsa Bashkimi kërkon rezultate sa më pozitive në këtë edicion që ishte shumë sfidues për ta.

Në garat e rregullta, Ylli përfundoi në vendin e tretë, kurse prizrenasit në vendin e gjashtë. Këto skuadra u ballafaquan katër herë në Superligë dhe një herë për Kupë, ku katër herë fituan therandasit dhe një herë prizrenasit.

Ndeshja do të transmetohet direkt në Artmotion e si zakonisht, rezultatin pas çdo çereku por edhe raportin final të ndeshjes do të mund ti gjeni në portalin e vetëm shqiptar, dedikuar ekskluzivisht basketbollit, AsistiOnline.com

Të kujtojmë, se vendi i parë – Ponte Prizreni dhe Rahoveci nga vendi i dytë, janë kualifikuar direkt në gjysmëfinale të ”play off”-it.

/AsistiOnline.com/