MBYLLET STINORI I RREGULLT NË ELITËN SHQIPTARE

Prishtinë(AsistiOnline) – Është mbyllur stinori i rregullt në Superligën e Shqipërisë në basketboll.

Me ndeshjet e javës së fundit që ishin në plan program dje, është shënuar edhe mbyllja zyrtare e një kampionati të rregullt që nisi me shumë vështirësi atje shkaku i mbylljes totale nga pandemia.

Me mbylljen e stinorit të rregullt, skuadra durrsake e Goga Basketit ka përfunduar në vendin e parë e pasuar nga rivalja lokale, Teuta në vendin e dytë. Ndërsa në pozitat 3/4 pozicionohen Vllaznia dhe Tirana.

Në ”play off” do të takohen: Goga Basket – Tirana dhe Teuta – Vllaznia. Seria e ndeshjeve të ”play off”-it do të nisë në javën e ardhshme.

/AsistiOnline.com/