PHOENIXI S’DORËZOHET, MPOSHT LAKERSIN PËR TA BARAZUAR SERINË!

Prishtinë(Asistionline) – Phoenix Suns e ka arritur një triumf tepër të rëndësishëm në ”play off” të NBA-së sonte.

Ekipi i teknikut amerikan, Monty Williams, ka triumfuar ndaj Lakersit të Frank Vogelit me rezultatin përfundimtar 92-100.

Me përjashtim të çerekut të parë të cilin e fitoi ngushtë ekipi i Lakers(24-23), komplet pjesa tjetër e duelit i takoi ekipit të Suns të cilët me plotë meritë triumfuan sonte.

Chris Paul me 18 pikë e 9 kërcime, si dhe Devin Booker e Jae Crowder me nga 17 pikë e 7 kërcime, ishin prej basketbollistëve më të dalluar në fitoren e Phoenixit.

Te Lakers s’mjaftuan për fitore, LeBron James me 25 pikë e 12 kërcime e Mark Gasoll me 12 pikë.

Suns me këtë fitore e kanë barazuar serinë çerekfinale të perëndimit ndaj Lakers në 2-2 e skuadra që arrin katër fitore kualifikohet në gjysmëfinale të kësaj konference.

/AsistiOnline.com/