Prishtinë(AsistiOnline) – Kapiteni legjendar i KB Prishtinës, Edo Azemi me shumë gjasa sivjet do ti thotë lamtumirë të përhershme basketbollit aktiv.
Njeriu më i suksesshëm në historinë e basketbollit kosovar, Edmond Azemi pritet që sivjet ti japë fund karrierës aktive si lojtar, pas shumë e shumë sukseseve të panumërta.
Është vetë klubi i Prishtinës që nëpërmjet një shkrimi lamtumirës në faqen zyrtare e ka konfirmuar se sivjet, Edo pritet ti japë fund karrierës së madhe basketbollistike që ka.
Pas pensionimit si lojtar aktiv, Prishtina ka paralajmëruar se Edo do të ketë një post të rëndësishëm në klubin të cilit ia kushtoi tërë jetën, ai pritet të emërohet drejtor gjeneral i klubit kryeqytetas.
Në vijim ju sjellim shkrimin e plotë të KB Prishtinës:
Ishte nga më të hershmit te ekipi i zemrës KB Prishtina në vitin 1999 me një gjeneratë ku kishte emra të njohur në basketbollin tonë si Blerand Stavileci, Florian Miftari, Presidenti i tanishëm i Prishtinës Burim Maraj, Presidenti i FBK Arben Fetahu, Artan Çerkini, Fikret Shatri, Edis Kuraja, Astrit Leti, Florian Rexhepi, Astrit e Vigan Sylejmani e shumë të tjerë.
Pas disa edicioneve të suksesshme, ai shkoi për një gjysmë sezonë në kampionatin shqiptar te ekipi i Valbonës për të ndihmuar ata në garat evropiane, ku ishte njëri ndër lojtarët kryesor.
Rikthehet në Prishtinë për të shkuar që të shpallej kampion në Superligen e Islandës me ekipin KR Basket, ku si zakonisht edhe aty ishte ndër më meritorët sidomos në ndeshjen e fundit me pikë vendimtare.
Përpos Valbonës dhe KR Basket, ai ishte pjesë edhe e MZT Skopje dhe KB Liria nga Shkupi.
Pas karrierës në Evropë e rajon, kthehet në shtëpi për t’i qëndruar besnik ekipit të zemrës e Plisave ku nuk la trofe pa fituar e pa e ngritur në qiellin e kaltër si Prishtina.
Gjatë karrierës së tij ai mbrojti ngjyrat e Kombëtareve të Kroacisë, Shqipërisë dhe Kosovës.
36 trofetë e fituar e bëjnë të pakrahasueshëm në basketbollin tonë, 12x Superliga të Kosovës, 14x Kupa të Kosovës, 7x Superkupa te Kosovës, 2x Balkan League, 1x Superligën e Islandës.
Ai tani pas pensionimit do të vazhdojë të mbetet pjesë e klubit si Drejtor Gjeneral, ku besojmë fuqishëm se do të vazhdojë të jep kontribut të jashtëzakonshëm në klubin tonë.
Një lider, një kapiten i vërtetë, një ikonë, një legjendë, një i papërsëritshëm, një numër 4, një EDMOND AZEMI .
FALEMINDERIT!!!
#EdmondAzemi
#EDO
#WE
EDO
