JAN PALOKAJ LARGOHET NGA ZARA!

Prishtinë(AsistiOnline) – Basketbollisti me prejardhje kosovare, Jan Palokaj nuk do të jetë më pjesë e skuadrës së madhe kroate, Zara.

Pas dy sezonesh, klubi kroat dhe Jani vendosën të ndahen sa i përket bashkëpunimit.

Në dy sezone bashkëpunim i riu nga Zagrebi fitoi tre trofe me Zarën. Këtë sezon ai kishte një rol shumë më të madh në ekip, ishte një lojtar standard i pesëshes të parë dhe luajti një rol të rëndësishëm sidomos në mbrojtje.

Këtë sezon, Palokaj kaloi mesatarisht 19 minuta në parket ku shënoi 5 pikë për ndeshje, në 61 ndeshje të luajtura për Zarën.

Në postimin përshëndetës në sajtin zyrtar, klubi kroat e falenderoi Janin për gjithçka që ka bërë në këto dy vite për ta dhe i uroi të gjitha të mirat në vazhdimin e karrierës së tij.

Të kujtojmë se Palokaj ka prejardhje nga Peja e Kosovës, derisa është i lindur në Zagreb të Kroacisë në vitin 2000 dhe është i gjatë 1.93 centimetra e luan në pozitën e alosë.

/AsistiOnline.com/