LAJM FANTASTIK: KOSOVA U18 FITON TURNEUN EVROPIAN NË TIRANË

Prishtinë(AsistiOnline)– Përfaqësuesja e Kosovës U-18 te meshkujt na ka sjellur një lajm fantastik nga Shqipëria sonte.

Dardanët e rinjë kanë triumfuar në finalen e madhe të European Challengersit të mbajtur në Tiranë, duke mposhtur në finale shtetin e Luksemburgut me rezultat tejet të thellë 84-58.

Ndeshja ishte e barabartë në pjesën e parë e cila përfundoi me vetëm një pikë avantazh për kosovarët(46-45), por në pjesën e dytë gjërat ndryshuan dhe ekipi ynë e thelloi avantazhin, për të arritur fitore të madhe dhe me meritë.

Gjysma e ekipit të Kosovës sot realizoi pikë dyshifrore: Dion Sheqiri e Visar Ejupi(14), Rinol Gashi e Eliot Peci(13), Hajriz Hazeri(11), si dhe Bardh Istrefi(10).

Te Luksemburgu u dalluan, Pit Hansen me 22 pikë e Nicolas Toussaint me 11 sosh.

Kjo fitore e shpalli Kosovën fituese të turneut Evropian për pozitat 26-32 në kategorinë U-18.

/AsistiOnline.com/