ASISTIONLINE JU URON VITIN E RI ME ASISTIN 477 FESTIV

Adhurues të basketbollit kudo që jeni në Botë, n’Kosovë, Evropë, Amerikë e Afrikë apo n’Australi: URIME VITIN E RI NGA ASISTI!

AsistiOnline ju dëshiron shumë shëndet, gëzim e lumturi dhe natyrisht shumë basketboll të bukur dhe kthimin e atmosferëve fantastike basketbollistike në palestra

Vetëm për ju , të Shtunën me 1 Janar 2022 nga ora 14:00 në Klan Kosova dhe Art Sport 1 në Artmotion, kemi përgatitur ASISTIN 477 – FESTIV

ASISTI i parë në vitin 2022 përveç se do të rikujtoj atë që ka ndodhur në basketbollin kosovar dhe ndërkombëtar sjell edhe dy intervista të veçanta me personalitetet e vitit në basketbollin femëror dhe të meshkujve

Cili ishte klubi që dominoi absolutisht në basketbollin femëror dhe cila lojtare u shpall nga ASISTI si Personalitet i Viti 2021 i basketbollit femëror?

Përmbledhjen vjetore në ASISTIN FESTIV do ta fillojmë me basketbollin femëror i cili gjatë vitit 2021 pati disa ngjarje historike ndër të cilat veçojmë debutimin e Përfaqësueses A të femrave dhe themelimin e Ligës Unike për Femra.

Ndërkohë, asistuesja e juaj Ulpiana Emra e ka përgatitur intervistën shumë speciale me gruan e cila shënoi vitin në basketbollin kosovar.

Në basketbollin e meshkujve një skuadër gjithashtu shënoi het-trick të trofeve. Ky sukses ishte historik jo vetëm për klubin por edhe për basketbollin mbarëkombëtar shqiptar në përgjithësi pasi kjo skuadër u bë kampione e parë në histori të garave që bashkuan sportin e Kosovës dhe të Shqipërisë. Engjëll Berbatovci zhvilloi një bisedë shumë të këndshme dhe simpatike me arkitektin e këtij suksesi dhe këtë, gjithahtsu do ta shikoni të shtunën me 1 Janar nga ora 14 në Klan Kosova dhe Art Sport 1 në Artmotion.

Përmbledhja shumë e pasur vjetore e basketbollit kosovar dhe mbarëkombëtar në ASIST sjell momentet më interesante të garave të Kupës së Kosovës, Superligës 2020/21, edicionit historik të Ligës Unike, Superkupës së Kosovës dhe asaj Mbarëkombëtare Shqiptare, si dhe vjeshtë basketbollistike të Ligës Unike dhe Artmotion Superligës. Natyrisht, ASISTI FESTIV nuk do të harroj as Përfaqësuesen A të meshkujve të  Kosovës e cila pati një vit të vështirë por të cilin e përmbylli me fitore të madhe në ditën kur kombi ynë festoj Ditën e Flamurit.

Shqiptarët në Botë, blloku më unik dhe i dashur në ASIST edhe sivjet rikujton çastet më të bukura dhe sukseset e basketbollistëve tanë në arenën ndërkombëtare kurse gjatë 2021shit ishte një emër që shkëlqeu më shumë se gjithë të tjerët.

Krejt në fund të fluturimit basketbollistik numër 477 në ASIST do të rikujtojmë ngjarjet më të rëndësishme të Ligëa më të fortë rajonale evropiane, ABA League e cila transmetohet ekskluzivisht në Artmotion.

Gjithashtu, në ASISTIN FESTIV vjen edhe Final Fouri shumë interesant i elitës së basketbollit evropian, Euroleagues e cila nga sivjet po ashtu shikohet në Artmotion dhe nga aty ASISTI ju dërgon përtej Oqeanit Atlantik në NBA ku viti 2021 ishte i pazakonshëm dhe përplot me rekorde interesante. NBA në ASIST do të rikujtoj se cila skuadër e ktheu titullin e kampionit në shtëpi pas gjysmë shekulli dhe cili top zyrtar u rikthye në NBA pas plot 35 viteve.

Krejt në fund të kaleidoskopit basketbollistik në ASIST do ta rikujtojmë turneun olimpik të basketbollik në LOV Tokio 2020 i cili sivjet jo një por dy disiplina. Cili ishte basketbolli i cili udhëtoi nga rruga në olimpiadë dhe cili shtet e fitoi medaljen e artë olimpike në këtë disiplinë basketbolli?

Adhurues të basketbollit në adresën ku rrah zemra e basketbollit në vendin tonë: Artmotion dhe natyrisht në televizionin numër 1 kosovar: Klan Kosova, të Shtunën me 1 Janar me fillim nga ora 14, Urime Vitin e Ri do t’ju themi me ASISTIN 477 FESTIV.

AsistiOnline ju dëshiron shëndet, lumturi dhe natyrisht edhe në vitin 2022, zemrat tuaja t’i ngroh dashuria maksimale për basketboll.