EKSKLUZIVE: YLLI ARRIN MARRËVESHJE ME ISH-FUNDORIN E MORNARIT DHE ZARËS

Prishtinë(AsistiOnline) – Pas hulumtimeve të shumta për lojtarë të rinjë të huaj, Golden Eagle Ylli më në fund duket se e ka tipin e basketbollistit që i duhet Adis Beqiragiqit për ekipin.

AsistiOnline.com ka arritur të mësojë ekskluzivisht se therandasit janë dakorduar me fundorin amerikan, Malcolm Grant i cili është i gjatë 185 centimetra dhe luan në pozitat 1/2.

Grant ka përvojë të madhe sidomos në Evropë, gjersa në edicionin 2020/21 ka qenë pjesë e ekipit iranian ”Qazvin” tek të cilët në 11 ndeshje ka pasur mesatare prej 19.5 pikëve, 4.5 asisteve e 2.4 kërcimeve për ndeshje.

Më herët, Grant ka luajtur në Lituani me tri ekipe të ndryshme: Pieno Zvaigzdes, Prienai dhe Nevezis, në Mal të Zi ishte paraqitur me Mornarin, në Kroaci me Zadarin,  në Kazakistan me Astanan, në Slloveni me Sentjurin, në Suedi me Lulean, në Qipro me Apoelin etj.

Te Ylli merkatoja para ”Final Eight”-it të Kupës nuk pritet të mbyllet me kaq.

/AsistiOnline.com/