SONTE PËRBALLJA E DYTË ÇEREKFINALE MES BASHKIMIT DHE PEJËS

Prishtinë(AsistiOnline) – Sonte luhet përballja e dytë e serisë çerekfinale të elitës kosovare mes Bashkimit dhe Pejës në Prizren.

Dy skuadrat me traditë në basketbollin e Kosovës sonte kërkojnë fitoren, njëra për të barazuar gjithçka e tjetra për të avancuar tutje.

Pejanët fituan sfidën e parë 94:70 dhe prizrenasit duhet të fitojnë ndeshjen e dytë, në mënyrë që fituesi të vendoset në takimin e tretë.

Nëse verdhezinjtë shënojnë fitore sonte, atëherë do të kualifikohen në gjysmëfinale ku i pret Trepça, që u rendit e dyta në garat e rregullta.

Sfida fillon nga ora 20:30 dhe transmetohet në Platformën ArtMotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/