GJYSMËFINALJA E DYTË SOT, TREPÇA SFIDON PEJËN

Prishtinë(AsistiOnline) – Sot zhvillohet ndeshja e dytë gjysmëfinale e ArtMotion Superligës së Kosovës.

Në këtë seri do të takohen dy ekipet e vjetra të basketbollit kosovar, Trepça dhe Peja.

Mitrovicasit përfunduan garat e rregullta në pozitën e dytë, kurse pejanët eliminuan Bashkimin për tu kualifikuar në gjysmëfinale. Në Kampionat,

‘Xehetarët’ kishin 19 fitore e nëntë humbje, ndërsa verdhezinjtë 18 fitore e dhjetë humbje.

Në Superligë u përballën katër herë, ku tri fitore shënuan mitrovicasit dhe një pejanët. Në Kupë gjithashtu kishte fituar skuadra nga Mitrovica, që fitoi trofeun e çmuar, kurse skuadra nga Peja ka fituar titullin e Ligës Unike.

Të dy skuadrat duan trofeun e dytë për këtë edicion.

Ndeshja e sontme zhvillohet nga ora 17:00 dhe transmetohet direkt në ArtSport1 dhe KLAN KOSOVA.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/