32 DUELE ME TREPÇËN QË NGA RIKTHIMI I YLLIT NË ELITË, MËSONI EDHE FITORET MË TË THELLA NDAJ NJËRA TJETRËS

Prishtinë(AsistiOnline) – Një seri finale interesante na pret nga sot në ArtMotion Superligën e Kosovës, ku ndeshen Golden Eagle Ylli nga Theranda dhe Trepça e Mitrovicës.

Sa ju përket dueleve direkte mes këtyre dy skuadrave në histori që nga rikthimi i Yllit në Superligës gjatë stinorit 2014/15, Ylli dhe Trepça në elitë nga ky edicion janë takuar 31 herë.

19 fitore i ka Ylli, gjersa 12 fitore i takojnë Trepçës.

Gjatë këtyre 8 stinorëve, fitoren më të thellë ndaj Trepçës, Ylli e ka arritur me 21 dhjetor 2014 në ”13 Qershori” kur e kishte mposhtur Trepçën me plotë 47 pikë diferencë apo 111-65, duel në të cilin për therandasit kishin spikatur dyshja, Najee White me 28 pikë e 18 kërcime dhe Charles Hammork me 22 pikë, 10 kërcime e 7 asiste, derisa te Trepça ishin dalluar, Samir Zekiqi me 18 pikë dhe Arian Tahiri me 10 sosh.

E Trepça fitoren më të thellë ndaj Yllit gjatë këtyre 8 viteve në elitë e ka me 24 mars 2017, kur në ”Minatori” kishte mposhtur Yllin me plotë 55 pikë diferencë apo 131-76. Jeremy Wise kishte shkëlqyer për Trepçën në kte duel me 28 pikë, i ndihmuar edhe nga Kiel Turpin me 24 sosh. Gjersa te Ylli, Ujkan Karanezi kishte shënuar 25 pikë e Trae Anderson kishte shtuar 22 sosh.

/AsistiOnline.com/