Basketboll

DREJTUESIT E PRISHTINËS E NDJEKIN NGA AFËR SFIDËN, KROACI – FINLANDË

Prishtinë(AsistiOnline) – Drejtuesit e Sigal Prishtinës e kanë përcjellur nga afër duelin mes Kroacisë dhe Finlandës i vlefshëm për kualifikimet e Kupës së Botës.

Presidenti Burim Maraj dhe ish-presidenti Blerand Stavileci së bashku me nënkryetarin e klubit Shkumbin Jakupi, siç ka mësuar AsistiOnline.com udhëtuan drejt Rijekës me ftesë të selektorit të Kroacisë, Damir Mulaomeroviq.

Por, takimi me ish-trajnerin e skuadrës së tyre, nuk ishte i vetmi për drejtuesit e Prishtinës. Ata janë takuar edhe me yllin e Finlandës, basketbollistin me prejardhje nga Kosova, Edon Maxhuni, madje AsistiOnline.com ka mësuar se edhe e kanë ofertuar për të qenë pjesë e Prishtinës, por një gjë e tillë vështirë se mund të ndodhë.

Finlanda mbrëmë e mposhti Kroacinë 79-81 dhe e kaloi fazën e parë të kualifikimeve për Kupën e Botës 2023.

/AsistiOnline.com/

Komentet janë të mbyllura.