Pas një kohe të gjatë, Gjakova sot mirëpret derbin e xhiros

Prishtinë(AsistiOnline) – Pas një kohe të gjatë e të munguar, qyteti i Gjakovës sot e mirëpret një derbi të basketbollit.

Bëhet fjalë për përballjen e xhiros së shtatë mes Vëllaznimit dhe Trepçës që me të drejtë cilësohet si derbi i xhiros.

Në fakt, bilanci i fitoreve dhe humbjeve është i kundërt, Trepça ka 4 fitore dhe 2 humbje e Vëllaznimi të kundërtën, por sot dëshira për fitore nga të dyja taboret është e madhe.

Mbetet të shihet se kush do të triumfojë në këtë duel i cili fillon nga ora 17:00 dhe transmetohet direkt në Sport1 dhe Klan Kosova.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com