Kenan Spahiu e Ergjan Osmani në 12shen e Turqisë

Prishtinë(AsistiOnline) – Kombëtarja e Turqisë sot e ka publikuar 12shen finale për duelet e nëntorit në kualifikime për Kupën e Botës.

Përzgjedhësi i ekipit, selektori Ergin Ataman në mesin e lojtarëve më të mirë për dy përballjet e nëntorit ka përzgjedhur edhe dy shqiptarët, Kenan Spahiu e Ergjan Osmani.

Kenani sivjet po luan te Pinar Karsiyaka dhe po gëzon formë tejet të mirë, ashtu sikurse Ergjan Osmani që po e vazhdon karrierën te Darussafaka.

Të kujtojmë se Turqia sot ndeshet me Belgjikën në kuadër të kualifikimeve për Kupën e Botës 2023, dueli fillon nga ora 19:00.

Pas tre ditëve, armata e kuqe turke i shkon mysafire, Serbisë.

/AsistiOnline.com/