Prishtina triumfon thellë ndaj Rahovecit në duelin e shtyer

Prishtinë(AsistiOnline) – Sigal Prishtina e ka fituar thellë përballjen e fundit të xhiros së 13-të në elitën kosovare ndaj Rahovecit.

Kryeqytetasit kanë triumfuar sonte ndaj ‘vreshtarëve’ me shifrat e thella 97-66.

Ishte kjo një ndeshje ku dominoi pothuajse në tërësi ekipi vendas (25-13, 22-16, 29-14) me përjashtim të periodës së dytë (21-23) që e fitoi Rahoveci, por s’ndikoi fare në rezultat dhe vendasit me plotë meritë korrën fitore.

Katër basketbollistë realizuan pikë dyshifrore te Prishtina sonte, Dardan Berisha (25), Dustin Thomas (20), Brooks Debisschop (16) e Rezart Mehmedi (12).

Te Rahoveci ishin të pamjaftueshëm për fitore, Isaiah Manderson me 19 pikë e 10 kërcime dhe Chris Seeley e Jahii Carson me nga 12 pikë.

Pas xhiros së 13-të, Prishtina ka 9 fitore e 4 humbje, gjersa Rahoveci, 11 disfata e 2 fitore.

Në xhiron e ardhshme, Prishtina i shkon Ponte Prizrenit e Rahoveci e pret Pejën.

/AsistiOnline.com/