Lëvizje interesante: Grant kaloi nga Trepça te Ponte Prizreni

Prishtinë(AsistiOnline) – Një lëvizje interesante ka ndodhur mes dy skuadrave kosovare në natën e fundit të vitit 2022.

Skuadra e Trepçës fillimisht njoftoi se e ka liruar nga klubi, basketbollistin amerikan Adam Grant.

“Me marrëveshje dypalëshe kemi ndërprerë bashkëpunimin me Adam Grant. Thank you AG“, shkruante në njoftimin e klubit mitrovicas.

Nuk vonoi shumë e brenda pak minutash, ekipi i Ponte Prizrenit e prezantoi atë si lojtarin më të ri në radhët e veta.

“Ponte Prizreni nga janari do hyn me ndryshime në skuadër. Skuadrën e përforcon fundori 185cm , amerikani Adam Grant i cili së fundmi ishte pjesë e KB TREPÇA. Pas Adam Grant , në skuadër do prezentohet edhe një super alo -qendër i cili do jetë me ne nga 3 janari ku pritet një 🔝 oneteam në edicionin pranveror“.

Të kujtojmë se Grant erdhi te Trepça në  fillim të këtij stinori dhe luajti me mesatare prej 8.3 pikë e 3.2 kërcime për ndeshje.

/AsistiOnline.com/