Ekskluzive: Bashkimi blindon Përçukun edhe për një sezon

Prishtinë(AsistiOnline) – Njëra prej lojtareve më të mira të basketbollit kosovar femëror nga paslufta, Arbnore Përçuku do të mbetet për së paku edhe një edicion te Bashkimi i Prizrenit.

Kështu ka mësuar AsistiOnline.com nga burime të afërta me klubin portokalli, që kanë treguar se marrëveshja në mes palëve është arritur.

Përçuku në edicionin e kaluar me Bashkimin fitoi tripletën, Superkupën, Kupën dhe titullin e kampionit të Kosovës, duke realizuar sezonin më të mirë në karrierën e saj.

Bashkimi dje konfirmoi vazhdimin e bashkëpunimit me kapitenen, Aulona Muhadri.

/AsistiOnline.com/