Ekskluzive: Peja 03 nënshkruan edhe me Saranda Dacin

Prishtinë(AsistiOnline) – Peja 03 vazhdon të kompletojë rosterin me ardhje cilësore, pas inkuadrimit historik në Superligën e femrave.

Siç ka mësuar AsistiOnline.com, klubi pejan së fundmi ka arritur marrëveshje edhe me njërën prej lojtareve më të mira në vitet e fundit në basketbollin femëror, Saranda Daci.

Daci në edicionin e fundit ishte pjesë e Penzës, duke luajtur me double-double mesatare prej 18.7 pikëve e 13.2 kërcimeve.

Basketbollistja nga Peja ka fituar shumë tituj në basketbollin kosovar, sikurse me Bashkimin, ashtu edhe me Prishtinën e Penzën, derisa ka luajtur edhe në Turqi, Çeki e Mal të Zi dhe ABA Ligë me ekipin e Sutjeskës.

Peja 03 ditë më parë ka prezantuar në ekip edhe Zërina Shatrin, Agnesa Rrahmanin e Besjana Martinajn. /AsistiOnline.com/