Rodney Purvis i bashkohet Minchevit te Spartak Pleveni

Prishtinë(AsistiOnline) – Basketbollisti amerikan, Rodney Purvis është bërë me ekip të ri.

Plejmejkeri që në Kosovë luajti te Trepça e Peja, është transferuar në elitën bullgare ku për trajner do ta ketë njeriun me të cilin punoi edhe te Trepça, Lubomir Minchev.

Ekipi i Spartak Plevenit e ka prezantuar para pak minutash, Purvisin, si një transferim me shumë bujë dhe nga i cili presin shumë.

Te Spartak Pleveni luajnë edhe basketbollistë të tjerë që luajtën në të kaluarën në Kosovë, duke nisur nga Stanimir Marinov (Prishtina), Julien Lewis (Bashkimi) e Andrew Gordon (Trepça).

/AsistiOnline.com/