Në grupin e Pejës Spojnia mposhti në udhëtim Den Boschin e te Trepça, Leideni befasoi Gravelines

Prishtinë(AsistiOnline) – Ka përfunduar xhiro e parë e fazës grupore të kompeticionit evropian, FIBA Europe Cup.

Ekipi kosovar i Pejës mbrëmë pësoi nga Chemnitzi i Gjermanisë me rezultatin 98-72.

Derisa, në grupin e Pejës, ekipi polak Spojnia Stargard e nisi me fitore duke triumfuar në udhëtim te Den Boschi 89-92 dhe mund të themi se ishte një lloj befasie pasi ishte pritur fitore e holandezëve të Hagës.

Në anën tjetër, skuadra tjetër kosovare Trepça këtë xhiro pushoi pas Galil Elioni momentalisht nuk është i gatshëm për të zhvilluar ndeshje për shkak të luftës që po ndodh në vendin e tyre.

Por, dy kundërshtarët e tjerë të grupit luajtën mes vete e ku fitoi skuadra e Leidenit që mposhti favoritët në letër të Gravelines 77-69 dhe tregoi se në këtë grup asgjë nuk do të dihet deri në fund.

Në javën tjetër, Peja e pret Den Boschin e Trepça i bën ‘konak’ Leidenit. Dy përballje poashtu të vështira për dy skuadrat tona.

Spojnia e pret Chemnitzin në Poloni në një super-ndeshje.

Derisa, Gravelines pritet të pushojë pasi kishte ndeshje me Galil Elionin.

/AsistiOnline.com/