Dueli i parë i ditës së sotme mes Istogut e Prizrenit

Prishtinë(AsistiOnline) – Sot vazhdon me ndeshje xhiro e 14-të e Superligës së Kosovës te meshkujt.

Ndeshja e parë luhet mes Istogut e Prizrenit dhe zhvillohet në palestrën “Sezai Surroi”.

Istogasit janë në vendin e fundit me një fitore e 12 humbje, ndërsa skuadra prizrenase ka katër fitore e nëntë humbje.

Të dy skuadrat synojnë fitoren për synimet që kanë për këtë edicion.

Ndeshja fillon nga ora 17:00 dhe transmetohet direkt në Artsport 1.