SOT ÇEREKFINALJA E KATËRT E KUPËS: PRISHTINA-YLLI(ANALIZË)

Prishtinë(AsistiOnline) – Ditën e sotme do të vazhdojë me ndeshjet e fundit çerekfinale, “FINAL EIGHT”-i i Kupës së Kosovës që po mbahet në Rahovec.

Përballja e dytë e ditës dhe e fundit çerekfinale zhvillohet në mes të Prishtinës e Yllit, skuadra këto që sivjet po luftojnë për trofe. Edhe Pse Prishtina prinë bindshëm me fitore në ndeshje të ndërsjella në histori ndaj Yllit, kjo nuk e bën të jetë e paprekshme…

PËR FAKTIN SE:

Ylli në stinorin pranveror të elitë së basketbollit kosovar është skuadra e vetme e pamposhtur(6/6) dhe kjo më së miri e tregon faktin se Ylli sivjet po lufton për trofe ashtu sikurse Prishtina edhe pse në ndeshjet e ndërsjella sivjet, në dy ndeshje të zhvilluara ndërmjet tyre, të dyja i ka fituar Prishtina e në këtë garë, ajo çfarë vlen të theksohet është se ndeshje kthyese nuk ka, ekipi që tregohet më i vëmendshëm shkon përpara, andaj le të fitojë më i miri.

Të dyja ekipet pritet që të japin maksimumin e tyre në parket, pasi e kërkojnë gjysmëfinalen, porse vetëm njëri do të triumfojë. Enigmën e fituesit e kuptojmë sonte në mbrëmje.

Ndeshja nisë në ora 19:00 dhe transmetohet direkt në Platformën më ekskluzive dhe atraktive në vendin tonë, “Art Motion”.