SOT HAPET EDHE STINORI I SUPERLIGËS SË FEMRAVE

Këtë mesjavë do të zhvillohet java e parë në Superligën e femrave në basketboll, ku do të ketë disa ndeshje mjaft interesante.

Ndeshja e parë e javës së parë për edicionin e ri do të zhvillohet sot mes Kastriotit dhe Vëllaznimit, ku të dy skuadrat kanë bërë përforcime të huaja dhe shpresojnë të nisin edicionin e ri me fitore.

Takimi më interesant do të zhvillohet, poashtu sonte ndërmjet Bashkimit dhe Penzës. Skuadra prizrenase të dielën fitoi Superkupën dhe ka synime të fitojë titullin, derisa Penza ka traditë dhe shpreson në një edicion sa më të suksesshëm.

Sfida e fundit e kësaj xhiroje luhet të enjtën mes Trepçës dhe Kosovahome Prishtinës. Skuadra prishtinase beson në një edicion sa më pozitiv dhe sigurisht se, edhe ambiciet për trofe nuk mungojnë.

Superliga e Femrave – Java 1

E mërkurë

13:30 Kastrioti-Vëllaznimi

18:00 Bashkimi-Penza

E enjte

16:30 Trepça-Kosovahome Prishtina