E TRETA ME RADHË PËR BASHKIMIN, QË IA VAZHDON KRIZËN YLLIT

Prishtinë(AsistiOnline) – Bashkimi e ka fituar përballjen e xhiros së nëntë ndaj Golden Eagel Yllit në mënyrë dramatike, për fajtin se fituesi i duelit u përcaktua pas vazhdimeve.

Prizrenasit kanë arritur të triumfojnë ndaj Yllit me shumë mund dhe atë pas vazhdimeve me rezultatin final të sfidës, 89-85, kjo pasiqë koha e rregullt u mbyll baraz, 75-75.

Bashkimi e nisi më mirë se Ylli ndeshjen, duke e fituar periodën e parë minimalisht, 20-19, përderisa në çerekun e dytë, Ylli u këndell shpejtë dhe arriti ta fitojë periodën e dytë, 21-28 e skuadrat shkuan në pushim me rezultat, 41-47 në të mirë të mysafirëve nga Theranda.

Në pjesën e dytë, vazhdoi loja e ngushtë mes skuadrave, ku për pak noanca vendasit ishin më të mirë dhe mbyllën çerekun e tretë, 16-12, por pa arritur ta marrin epërsinë. Periudha e fundit, ishte më interesantja e ndeshjes, ku ekipet luftuan shumë dhe Bashkimi falë tre pikëshit me tabelë të Musab Malës e fitoi çerekun e fundit(18-16) dhe e qoj ndeshjen në vazhdime, 75-75.

Edhe vazhdimet e ndeshjes ishin tejet interesante deri në fund, por lojtarët e Bashkimit si duket e deshtën më shumë fitoren dhe në fund të tyre, triumfuan me rezultatin e ngushtë, 89-85.

Individët më të dalluar në triumfin e Bashkimit sonte ishin, Sean Hoehn me 32 pikë, Musab Mala me 21 pikë, Juljan Hamati me double-double(14pk, 15krc, 3tvj) dhe Shaq Carter me 12 pikë.

Tek Ylli s’mjaftuan për fitore, Valon Bunjaku me 26 pikë, Cody John me 20 pikë e as Griffin Ramme me 16 sosh.

Pas xhiros së nëntë, Bashkimi ngjitet në pozitën e 4-të me 13 pikë, 4 fitore dhe 5 humbje. Përderisa, Ylli pëson edhe humbjen e 5, karshi 4 fitoreve dhe bie në pozitën e 5-të me 13 pikë.

Në xhiron e ardhshme, Bashkimi i shkon Vëllaznimit, ndërsa Ylli e pret Trepçën.

/AsistiOnline.com/