ZYRTARE: GËZIM MORINA TOP-TRANSFERI I RADHËS TE YLLI

Prishtinë(AsistiOnline) – Gëzim Morina është transferi më i ri i Golden Eagle Yllit.

Skuadra nga Theranda po vazhdon të përforcohet me lojtarë të rinjë, para nisjes së stinorit pranveror në basketbollin e Kosovës.

Therandasit çaste më parë, kanë njoftuar se kanë arritur marrëveshje bashkëpunimi me basketbollistin Gëzim Morina i cili deri tash ka luajtur në kampionatin slloven.

28 vjeçari i gjatë 2.05cm, së fundmi ka qenë pjesë e skuadrës, ”Helios Suns” me të cilët në 14 ndeshje të zhvilluara ka pasur mesatare prej, 4.8 pikëve, 3.1 kërcimeve e 0.7 asisteve për ndeshje.

Morina edhe më herët ka qenë pjesë e basketbollit kosovar, duke luajtur një gjysmëstinor për Sigal Prishtinën.

Me këtë lojtar, skuadra e Yllit kompletohet për nisjen e stinorit pranveror në basketbollin e Kosovës dhe do të jetë favoriti kryesor për trofe.

/AsistiOnline.com/