FITORJA E RADHËS PËR YLLIN, TRIUMFON NDAJ BASHKIMIT

Prishtinë(AsistiOnline) – Golden Eagle Ylli ka arritur ta fitojë edhe ndeshjen e dytë të stinorit pranveror në Superligën e Kosovës në Basketboll.

Skuadra nga Theranda ka arritur të triumfojë ndaj Bashkimit me rezultat, 96-73, në një ndeshje shumë interesante që fituesi i saj u përcaktua vetëm në fund.

Sa i përket rrjedhshmërisë së takimit, Ylli e nisi më mirë se Bashkimi duke fituar çerekun e parë 25-19, përderisa Bashkimi u këndell në çerekun e dytë, duke e fituar atë, 21-28, por njëkohësisht edhe duke shkuan në pushimin mes pjesëve me avantazh minimal, 46-47.

Reagimi i vendasve erdhi shpejtë në pjesën e dytë, duke fituar fillimisht çerekun e tretë, 23-16. Ndërsa në periodën e fundit, djelmoshat e trajnerit Gezer, vetëm se e konfirmuan fitoren, duke fituar edhe këtë çerek me plotë 17 pikë diferencë.

Katër basketbollistë arritën pikë dyshifrore në fitoren e Yllit sonte, Mitchel Wilbekin(25pk), Samir Zekiqi(23pk), Elyjah Clark(14pk), Valon Bunjaku(10pk).

Te Bashkimi me lojë të mirë u dalluan, Endrit Hysenagolli me double-double(24pk, 15krc), Sean Hoehn me 16 pikë e Musab Mala me 15 pikë.

Pas xhiros së 16-të, Ylli mbetet në pozitën e katërt, por tash me 26 pikë(2 më pak se lideri), 10 fitore e 6 humbje. Ndërsa, Bashkimi mbetet i 5-ti me 24 pikë, 8 fitore e po aq humbje.

Në javën e ardhshme, Ylli i shkon Trepçës e Bashkimi e pret Vëllaznimin.

/AsistiOnline.com/