RAHOVECI DIREKT NË GJYSMËFINALE TË LIGËS UNIKE, KJO ËSHTË ARSYEJA

Prishtinë(AsistiOnline) – Skuadra e Rahovecit do të plasohet direkt në gjysmëfinale të Ligës Unike të basketbollit mes Kosovës dhe Shqipërisë.

Klubi i Teutës nga Durrësi ka njoftuar zyrtarët e Ligës Unike se në pamundësi për tu organizuar për një kohë të shkurtër, nuk do të marrin pjesë në Final 8 që mbahet në Rahovec.

Pas tërheqjes së Teutës, skuadra e Rahovecit do të kualifikohet në gjysmëfinale, ku e pret finalistin e përballjes Peja-Vllaznia.

Garat e Ligës Unike do të zhvillohen në format të “Final 8” me sistem eliminimi dhe ndeshjet e para çerekfinale do të luhen në Rahovec me datë 6 dhe 7 Prill 2021, ndërsa ndeshjet gjysmëfinale, gara për vendin e tretë dhe finalja e madhe e Ligës UNIKE do të zhvillohen me datat 13-14 Prill në Durrës.

Ndeshjet në Rahovec do të zhvillohen me masa të rrepta anti-Covid19, duke ju përmbajtur Udhëzuesit për Rikthimin në Fushat e Basketbollit.