FINALISTËT E SUPERKUPËS SOT NDESHEN NË ART MOTION SUPERLIGË

Prishtinë(AsistiOnline) – Xhiro e dytë e Art Motion Superligës së Kosovës sot sjell përballjen e finalistëve që u takuan edhe në Superkupë disa ditë më parë.

Trepça dhe Prizreni 16 do të ndeshen sot në ”Minatori” të Mitrovicës, për të synuar vazhdimësinë e fitoreve nga xhiro e parë.

Të dyja skuadrat janë përforcuar mjaftë para fillimit të stinorit, njëherazit edhe janë komponuar në ndeshjet e Superkupës dhe sigurisht që na pret duel i jashtëzakonshëm.

Kjo ndeshje starton nga ora 17:00 dhe transmetohet në njërën prej kanaleve të Artmotion, si dhe në Klan Kosova.

Si zakonisht më të rejat para ndeshjeve, rezultatin për çdo çerek, por edhe raportet e ndeshjeve do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

Kjo sfidë luhet me 100 veta publik dhe jo më shumë, për shkak të masave anti-covid19.

/AsistiOnline.com