EKSKLUZIVE: YLLI ME SHUMË GJASA NUK MERR PJESË NË SUPERKUPËN MBARËKOMBËTARE

Prishtinë(AsistiOnline) – Një lajm jo i mirë na vije nga Theranda, pak ditë para mbajtjes së Superkupës mbarëkombëtare mes ekipeve të Shqipërisë dhe Kosovës.

Sipas asaj që ka mësuar ekskluzivisht AsistiOnline.com, skuadra e Golden Eagle Ylli që është edhe kampione në fuqi e Ligës Unike, me shumë gjasa nuk do të marrë pjesë në Superkupën mbarëkombëtare të kësaj gare.

Burimet e AsistitOnline të afërta me klubin nga Theranda, kanë treguar se arsyeja e mospjesëmarrjes së Yllit në këtë turne është ndërrimi i vendit të zhvillimit të eventit nga Shkodra në Durrës e kjo sipas drejtuesve të Yllit po bëhet me të vetmin qëllim, që t’ju jepet përparësi ekipeve nga Shqipëria. Sipas po të njëjtave burime, thuhet se te Ylli po i lënë fajtore ekipet e Shqipërisë të cilat sipas tyre po e bëjnë ligjin ashtu si po ju konvenon.

Mbetet të shihet ditëve në vijim se cilët do të jenë hapat konkretë që do i ndërmarrë klubi i Yllit për këtë çështje, por sipas të gjitha gjasave ata do të tërhiqen nga ky turne.

AsistiOnline.com do ju mbajë të informuar për të gjitha zhvillimet në lidhje me këtë çështje.

/AsistiOnline.com/