SUPER NDESHJE NA PRET SONTE NË PEJË

Prishtinë(AsistiOnline) – Pa asnjë mëdyshje të vetme, kryendeshja e xhiros së pestë në Ligën Unike zhvillohet sonte në ”Karagaç” të Pejës.

Verdhezinjët që xhirove të fundit kanë hasur në vështirësi për fitore, presin Prizrenin 16 që ka një ekip të fortë dhe po tregon lojëra shumë të mira në vazhdimësi.

Deri tani, Prizreni 16 ka bilanc perfekt në këtë garë me 3 fitore e vetëm 1 humbje, për dallim nga Peja që numëron dy fitore e dy humbje.

Kjo fitore për cilindo ekip ka vlerë të dyfishtë ngase llogaritet edhe për ArtMotion Superligën e Kosovës.

Sfida fillon nga ora 17:00 dhe transmetohet direkt në ArtSport 1 e Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/