EKSKLUZIVE: RAHOVECI PËRFORCOHET ME NJË PLEJMEJKER

Prishtinë(AsistiOnline) – Ndryshimet e shumta të skuadrave kosovare po vazhdojnë pa ndalur edhe pas mbylljes së afatit kalimtar dimëror.

Së fundmi është skuadra e Rahovecit që ka arritur marrëveshje bashkëpunimi me një lojtar të ri të huaj të cilin pritet ta zyrtarizojë gjatë këtyre ditëve.

AsistiOnline.com e ka mësuar edhe identitetin e tij, DeShawn Wilson Jr. është emri i lojtarit që pritet të jetë transferi më i ri i ‘vreshtarëve’.

Basketbollisti në fjalë është i gjatë 180 centimetra dhe luan në pozitën e organizatorit.

Wilson Jr te Rahoveci pritet të vije nga elita e Armenisë ku luajti me ekipin e Araratit me mesatare impresionuese prej 27.5 pikëve, 6.5 asisteve e 6 kërcimeve për ndeshje.

Armenia për të ka qenë eksperienca e parë për 21 vjeçarin nga SHBA-të dhe mbetet të shihet se a do të përshtatet me lojën e Malinkovit te Rahoveci.

/AsistiOnline.com/