NXEHTË NË ”MINATORI”, TREPÇA ME VETËBESIM NDAJ PEJËS SË HENDIKEPUAR

Prishtinë(AsistiOnline) – Kryendeshja e xhiros 18 në ArtMotion Superligën e Kosovës luhet sot.

Dy rivalët e moqëm, Trepça dhe Peja takohen në ”Minatori” për një fitore e cila do t’ju kryente shumë punë në luftën e tyre për kreun e tabelës.

Të dyja skuadrat kanë nga 11 fitore e gjashtë humbje aktualisht e ndeshja pritet të jetë shumë interesante dhe rivalizuese, ndërsa të dy skuadrat kanë ambicie të mëdha në këtë edicion.

Te Peja sonte do të mungojë, alo-qendra Stephen Maxwell shkaku i lëndimit në duelin ndaj Yllit e në mëdyshje është edhe kapiteni, Dardan Berisha.

Sfida fillon nga ora 17:00 dhe do të transmetohet direkt në Art Sport 1 si dhe Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/