NESËR DHE PASNESËR XHIRO E RRADHËS NË LIGËN UNIKE

Prishtinë(AsistiOnline) – Nesër dhe pasnesër do të zhvillohet xhiro 10 e Ligës Unike të meshkujve.

Disa ndeshje mjaftë interesante do të zhvillohen sikurse në Kosovë ashtu edhe në Shqipëri, andaj adhurues të basketbollit përgatituni për një mesjavë të nxehtë me basketboll.

Dueli i parë i xhiros, zhvillohet nesër në palestrën më moderne shqiptare aktualisht ”Mizahir Isma”, atje ku Rahoveci i motivuar maksimalisht pas fitoreve të fundit e pret Prizrenin 16 i cili ka katër fitore rresht në të gjitha garat.

E shumë interesant pritet të jetë edhe në kryeqytetin e Shqipërisë, ku Tirana i bën konakun Vllaznisë së Fabian Gjukës, disa ditë pasi ky i fundit e nisi aventurën te shkodranët me fitore ndaj Kamzës.

Ndërsa të mërkurën, ethet nisin me duelin ndërmjet Golden Eagle Yllit dhe Teutës i cili zhvillohet në Therandë. Me dy ekipet që sivjet po luftojnë maksimalisht me fitore dhe sidomos me serinë fantastike të Yllit prej 14 fitoreve rresht.

E sfida e fundit e kësaj xhiroje të Unikes bartet në Bashkinë e Kamzës atje ku ekipi i Eni Llazanit do të përpiqet të marrë fitore ndaj Pejës e cila në dy xhirot e fundit në të gjitha garat e ka harruar shijen e fitores.

Vlen të ceket se të gjitha duelet startojnë nga ora 17:00.

E mërkurë:

Rahoveci – Prizreni 16.

Tirana – Vllaznia.

E enjte:

Golden Eagle Ylli – Teuta.

Kamza – Peja.

/AsistiOnline.com/