PËRBALLJA DERBI E XHIROS SOT NË ”MINATORI”

Prishtinë(AsistiOnline) – Përballja derbi e xhiros 20 në ArtMotion Superligën e Kosovës zhvillohet sot.

Bëhet fjalë për sfidën mes Trepçës dhe Prishtinës, dy skuadra me nam të madh në basketbollin e Kosovës.

Trepça pasi e fitoi Kupën pas dhjetë vitesh, është motivuar maksimalisht dhe përballet me rivalin e vjetër, Sigal Prishtinën. Mitrovicasit kanë 13 fitore e gjashtë humbje, ndërkohë prishtinasit kanë dhjetë fitore e nëntë humbje.

Sfida fillon nga ora 17:00 dhe transmetohet direkt në Platformën Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/