SOT DERBI I SKUADRAVE KOSOVARE NË LIGËN UNIKE

Prishtinë(AsistiOnline) – Një përballje mjaftë e fortë na pret sot në kuadër të Ligës Unike me dy skuadra kosovare.

Prizreni 16 dhe Peja do të takohen në Therandë për të synuar fitoren e cila do t’ju kryente punë për renditje finale në tabelë e triumfi vlen edhe për ArtMotion Superligë.

Deri tani, prizrenasit kanë shtatë fitore e katër humbje, ndërsa pejanët tetë fitore e tri humbje. Duke marrë parasysh ambiciet e mëdha të dy skuadrave pritet një ndeshje shumë interesante.

Sfida fillon nga ora 17:00 dhe transmetohet direkt në Platformën Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/