GRIZZLIES E DEMOLOJNË WARRIORSIN, NGUSHTOHET SERIA

Prishtinë(AsistiOnline) – Me plotë 39 pikë diferencë, Memphis Grizzlies e mposhtën Golden State Warriorsin në duelin e pestë të serisë çerekfinale në Perëndim të NBA-së.

Ekipi i trajnerit 37 vjeçar të Grizzlies, Taylor Jenkinsit, arriti të fitojë thellë ndaj 6 herë kampionit të NBA-së me shifrat e thella 134-95.

Tre basketbollistë i shënuan nga 21 pikë në këtë triumf të Grizzlies, Desmond Bane, Jaren Jackson e Tyus Jones, derisa Dillon Brooks kishte 12 dhe Brandon Clarke e Ziaire Williams kishin nga 11 sosh.

Te Warriors u dalluan paksa, Klay Thompson që shënoi 19 pikë e Jonathan Kuminga që shtoi 17 sosh.

Seria momentale mes këtyre dy ekipeve në çerekfinalen e perëndimit është 3-2 në favorin e Warriors e dueli i radhës zhvillohet me datën 14.

Të kujtojmë se fituesi i kësaj serie, takohet me fituesin e serisë në mes të Phoenix Suns – Dallas Mavericks, ku momentalisht po udhëheq ekipi i Suns 3-2.

/AsistiOnline.com/