MIAMI E FITON DUELIN E PARË FINAL NDAJ BOSTONIT NË LINDJE

Prishtinë(AsistiOnline) – Miami Heat e ka fituar duelin e parë final të Konferencës Lindore në NBA ndaj Bostonit.

Skuadra e Miamit triumfoi në ”FTX Arena” gjatë mesnatës me shifrat 118-107.

Jimmy Butler ishte i jashtëzakonshëm në këtë fitore të Miamit me plotë 41 pikë, por shtuar edhe 9 kërcime e 5 asiste, derisa u ndihmua edhe nga Tyler Herro me 18 pikë dhe Gabe Vincent me 17 sosh.

Te Bostoni ishin të pamjaftueshëm për triumf, Jayson Tatum me 29 pikë e Jaylen Brown me 24 pikë e 10 kërcime.

Miami Heat tash e ka avantazhin e serisë finale të lindjes 1-0, derisa dueli i dytë zhvillohet me 20 maj, përsëri në Miami.

/AsistiOnline.com/