PRISHTINA FTOHET PËR PJESËMARRJE NË KËTË GARË EVROPIANE
Prishtinë(AsistiOnline) – Skuadra më e trofeshme kosovare, Sigal Prishtina është ftuar për të garuar në një garë mjaftë të fortë ndërkombëtare.
Bëhet fjalë për ligën e quajtur ”ENBL” League që mbledh rreth vetes ekipe të shteteve si ajo e Lituanisë, Polonisë, Estonisë, Letonisë, Çekisë dhe Ukrainës.
”Jemi të nderuar që kemi pranuar ftesë zyrtare për pjesëmarrje në ligën prestigjoze ENBL (European North Basketball League) me ekipe nga Evropa Veriore, e Mesme dhe Lindore. Kjo ftesë përveç se na ka nderuar, na bën të ndihemi krenar për imazhin që kemi krijuar si klub në Europë, gjë që u dëshmua edhe para pak javësh kur FIBA Europe na caktoi në vazon e dytë të kualifikimeve me ekipe të njohura europiane. Sukseset e mëdha të klubit, sidomos ato në arenën ndërkombëtare na kanë bërë të shënohemi fuqishëm në hartën europiane basketbollistike, si dhe e kanë rritur shumë brendin e Prishtinës, por edhe peshën e Kosovës si shtet basketbolli cilësor në këtë hartë. Tani është detyrim i joni që krejt Prishtinën, Plisat, Kosovën dhe shqiptarët t’i përfaqësojmë edhe më denjësisht”, shkruan njoftimi i Prishtinës.
Skuadra bardhekaltër sivjet luan edhe në FIBA Europe Cup, gjersa për ftesën në këtë garë pritet të vendos edhe zyrtarisht bordi i klubit.
/AsistiOnline.com/
Komentet janë të mbyllura.