TOLEFREE KALON KALON NË IZRAEL, ME MIRATIMIN E PENZËS

Prishtinë(AsistiOnline) – Edhe pse ishte zyrtarizuar te skuadra e Penzës si transfer, megjithatë Alexis Tolefree nuk do të luajë në Kosovë.

Basketbollistja amerikane e natyralizuar e Kosovës, ditën e djeshme është prezantuar në Izrael te skuadra e Elitzur Holon, si lojtarja më e re.

Për këtë transfer të Penzës që duket se ka dështuar, kishte raportuar AsistiOnline.com, gjersa edhe faqja zyrtare e FBK-së e kishte paraqitur si transfer të ekipit pejan, në mesin e lojtareve, Erjona Krasniqi, Lejla Omerbasic, Antoinetta Bannister dhe Tringa Ukaj, përfshihej edhe Tolefree.

Në një prononcim për AsistiOnline.com, kreu i Penzës Kastriot Gjocaj tregoi arsyjen e dështimit të këtij transferi.

”Po është i vërtetë lajmi, lojtarja ka pranuar një ofertë më të mirë dhe sigurisht që do të luan për një ekip tjetër, ne nuk e pamë të rrugës ta pengojmë, andaj e kemi liruar”, u shpreh Gjocaj.

/AsistiOnline.com/