EKSKLUZIVE: PENZA TRANSFERON QENDËR TË FUQISHME AMERIKANE

Prishtinë(AsistiOnline) – Edhe pse afati kalimtar veror ka përfunduar, Penza po vazhdon ende ta kompletojë rosterin me lojtare të huaja.

Drejtuesit e skuadrës pejane, siç ka mësuar AsistiOnline.com, kanë shtuar në radhët e veta 190 centimetra gjatësi duke e transferuar amerikanen Caitlin Jenkins.

Lojtarja në fjalë pritet të paraqitet me Pejës pas përvojës në Ligën e parë turke me ekipin ”Ura” atje ku kishte mesatare prej 17.7 pikëve e 17.2 kërcimeve.

Përpos Turqisë, Jenkins ka luajtur edhe në Bosnje, Gjermani e Puerto Rico, gjersa në SHBA kishte qenë pjesë e kolegjit ”Rutgers”.

24 vjeçarja është transferi i dytë i huaj te Penza, gjersa shumë shpejtë klubi pritet ta përfundojë marrëveshjen edhe me transferin e tretë të huaj.

/AsistiOnline.com/