Rahoveci transferon një qendër amerikane (VIDEO)
Prishtinë(AsistiOnline) – Skuadra e Rahovecit ka reagur në merkato pas humbjeve në dy xhirot e fundit në elitën e basketbollit kosovar.
Skuadra ‘vreshtare’ që ka liruar nga ekipi qendrën, Rasheed Worrell për shkak të mos-përmbushjes së pritshmërive, ka transferuar një qendër tjetër.
Bëhet fjalë për amerikanin 206 centimetra i gjatë, Isaiah Manderson i cili te Rahoveci vije pas performancës te skudra elitare qipriote, ”APOP Paphou” tek të cilët në 6 ndeshje kishte mesatare prej 18.9 pikëve e 9.2 kërcimeve për ndeshje.
Manderson zbarkon në Rahovec pas një eksperience të gjatë në basketbollin evropian dhe atë latino-amerikan. Në të kaluarën Manderson është paraqitur në ligat elitare të Maqedonisë Veriore, Islandës, Sllovenisë, Puerto Rikos, Zvicrës, Uruguait dhe po ashtu në kolegjet universitare të SHBA-ve.
Momentalisht, Rahoveci numëron katër basketbollistë të huaj në skuadër.
/AsistiOnline.com/
Komentet janë të mbyllura.