Mërgimtari nga Rahoveci premton premi për ‘vreshtarët’ në rast fitore ndaj Yllit

Prishtinë(AsistiOnline) – Skuadra e Rahovecit sonte e ka edhe një motiv shtesë për fitore ndaj Yllit në Suharekë.

Kjo për faktin se mërgimtari nga Rahoveci, Sedat Haxhijaha ka premtuar nga 100 euro premi për secilin lojtar të ekipit nga qyteti i ‘vreshtave’ në rast fitore ndaj Yllit.

“KB Rahoveci është në kërkim të kthimit në fitore në Suharek sonte. KB Rahoveci dhe K.B. Golden Eagle YLLI takohen me Suharek në ndeshjen e sotme kualifikuese për Kampiont të Kosoves. Unë personalisht besoj në KB Rahovecin tonë dhe në rast të fitores ndaj KB Yllit do ta shpërblej nga 100 euro çdo lojtar në ketë ndeshje!“, ka shkruajtur mërgimtari Haxhijaha.

Ylli dhe Rahoveci takohen sonte në Therandë nga ora 19:00, derisa ky premtim i mërgimtarit nga Rahoveci sigurisht se do ti nxitë lojtarët e Rahovecit për të dhënë maksimumin në këtë ndeshje.

/AsistiOnline.com/