KBF Prishtina shton në roster lojtaren që stinorin e kaluar fitoi titullin me Penzën

nga Asisti Online Përditësimi i fundit 14/01/2023

Prishtinë(AsistiOnline) – Indiferente në përforcimin e ekipit nuk po qëndron as KBF Prishtina, pas përforcimit të skuadrave rivale, Bashkimi e Penza.

Drejtuesit e klubit prishtinas kanë shtuar së fundmi në ekip, lojtaren amerikane Hilaire Kaela e cila është emër i njohur për opinionin e basketbollit kosovar.

Kaela, që luan në pozitën e organizatores është anëtare përfaqësuese e Puerto Rikosa, ajo vjen në Prishtinë me një eksperiencë të bollshme, për herë të fundit ka luajtur për skuadrën “Manati” në Porto Riko ku mesatarisht shënonte 9.5 pikë dhe 5.7 asistime për ndeshje.

Gjersa, stinorin e kaluar Kaela ishte pjesë e rëndësishme e Penzës në fitimin e titullit të kampiones së Kosovës.

”Ne kemi besim se aftësia, talenti dhe shkathtësia e Kaela-s do të jenë një pasuri e madhe për ekipin tonë. Ajo do të jetë një mbështetje për qëllimet e klubit tonë dhe jemi të sigurt se do të ketë një ndikim pozitiv në fushë. Aftësitë e saj mbrojtëse, aftësia për të shënuar dhe lidershipi do të jenë një shtesë e shkëlqyer për ekipin tonë”, shkruan njoftimi i Prishtinës për prezantimin e saj.

/AsistiOnline.com/